WILLEMSTAD. - Curaçao Ports Authority riba un base regular ta monitoriá e kondishon di e kade nan den bahia Santa Anna. Esaki ta pone ku riba un base regular bushinan ta baha den awa i hasi trabou di inspekshon na e kade nan, pa sa kon e kondishon ta. Esaki nan ta hasi ku téknika pa determiná kon diki e plachinan di heru ta i den ki kondishon nan ta. Ta di sumo importansia ku e kade nan ta den bon kondishon i p’esei CPA regularmente ta hasi e tipo di inspekshonnan aki. Riba e kombinashon di foto por mira un di e bushinan ta hasiendo trabounan di reparashon na e plachinan na Chumaceirokade.