Tur dokumentu mester ta na òrdu pa usa kiosko

WILLEMSTAD.-Un ratu pasá a tuma lugá inougurashon di un servisio nobo i hopi importante na Cpost na Groot Kwartier. E kioskonan ku tin den e edifisio di Cpost ta bai sirbi pa klientenan por paga number di outo den djis algun minüt. Importante pa tene kuenta si ku ta solamente hendenan ku tin tur dokumentu na òrdu por hasi uso di e teknologia nobo i asina skapa hopi tempu.

Ontvanger Alfonso Trona a gradisí Cpost pa nan perseveransia i inovashon pa fasilitá bida di klientenan ku mester kumpli ku pago di number di outo. Ya pa hopi aña kaba Ontvanger tin un relashon ku Cpost.

Na 2021 desishonnan a kai pa sera kahanan di Ontvanger, pero a ekspandé ku otro instansianan pa sigui sirbi komunidat. Ya kaba pago di impuesto ta sosodé kaba via pagafasil pues a sigui buska e manera pa fasilitá bida di klientenan. Ontvanger mes ta puntra dikon Cpost no por bira e kahero di gobièrnu.

Minister di VVRP, Charles Cooper a bisa ku mester sigui aplika teknologia moderno pa hasi siudadanonan su bida mas fasil.

Pago di number di outo via un kiosko di Cpost na Kwartier i den futuro na Punda. E minister tambe a felisitá Cpost. Pa hasi pago di number di outonan kiosko e seguro, keuring di e vehíkulo, solamente por hasi uso di kiosko ora ku tin tur kos ta òrdu. Seguro, keuringskaart i pago di e aña anterior di e impuesto mester ta kompletu. E uso di e sistema aki lo skapa e kliente hopi tempu balioso.