WILLEMSTAD.- Edishon nr. 12 di Curaçao Baseball Week ta start awe den oranan di atardi den Tio Daou Ballpark. Pa e edishon 2024 e evento grandi aki organisá pa Hensley Meulens i su ‘crew’ ta konta ku dos invitado di un karera largu den Major League Baseball: e veterano manager Dusty Baker i tambe e umpire ku 24 aña di eksperensia, Larry Young. Pa e edishon aki 754 mucha i hóben a inskribí pa e evento, repartí entre peloteronan di Aruba, Boneiru, Merka i Kòrsou. Loke semper ta duna un toke adishonal interesante na e aktividat aki, ta e partisipashon di nos peloteronan profeshonal. Vários di nan lo ta presente, entre kua Ozzie Albies, Andrelton Simmons, Cedanne Rafaela i otronan, komo tambe peloteronan profeshonal di isla ruman Aruba. Riba e foto, Hensley ta hasi un lansamentu for di riba boto di KTK.