WILLEMSTAD.- Wikènt pasá, Curaçao Clean Up a organisá e ‘World Clean Up Day’, i 2.700 boluntario a dediká nan alma i kurpa pa liberá Kòrsou na 90 diferente sitio di shushi di dùmp i otro tipo di shushi. GMN a laga limpia Kaya Mila kompleto i bunita, djabièrnè último. Lamentablemente ya pa djaluna, den publikashonnan riba vários medionan sosial imágennan ta ilustrá kon personanan ku aparentemente ta haña ku e stashon di depositá shushi, na Koraal Specht ta demasiado leu, a bolbe tira shushi riba Kaya Mila.

E komportashon di tira shushi di un manera ilegal i iresponsabel aki naturalmente ta un bòftá den kara di e tantísimo boluntarionan ku a traha asina duru pa logra un Kòrsou limpi i bunita atrobe, djasabra último. Ta p’esei CCU inmediatamente a regla transporte i a kita e sushedat for di riba Kaya Mila. Curaçao Clean Up ta kontentu ku tantu prensa komo komunidat ta mas alerta pa e tipo di komportashon aki.