WILLEMSTAD.- E siman tras di lomba Fundashon Curaçao Clean Up (CCU) a hasi preparashon kompleto pa e gran dia mundial di limpiesa pa awe djasabra awor 18 sèptèmber, huntu ku 180 pais mas. Awe mainta ya por a nota na diferente sitio kon boluntarionan tabata limpia. Arianan di trabounan di limpiesa ta tuma lugá rònt Kòrsou, for di Wèspùnt te ku Oostpunt. E fundashon a keda rekordá tur hende ku ta traha banda di e kaya, pa apuntá un boluntario pa wanta e tráfiko.

Landfill habrí i grátis
Tur grupo ta risibí saku pa hinka e sushi aden; hanskun i algun hèrmènt, pa hasi limpiesa, ademas tin bakinan den sierto arianan i trùknan ku lo kore tur e arianan ku tin limpiesa pa hiba e shushi rekohé, tantu pa landfill Malpais i Koraal Specht. Tur dos landfill ta habrí hinter dia i entrada pa bai tira sushi e dia ei ta GRATIS pa tur partisipante registrá na e “World Clean Up Day”. Por sigui hasi uso di landfill manera a akordá ku e organisashon.

Danki
Curaçao Clean Up ta gradisí un i tur ku ta kontribuyendo ku e akshon di limpiesa mundial djasabra awor i ta deseá tur partisipante un dushi mainta di limpiesa awe!

DANKI KORSOU!!!

Riba e fotonan por mira boluntarionan di Fundashon Seri Otrobanda hasiendo limpiesa i fotograf di EXTRA, Elmeric Thielman dunando un man.