WILLEMSTAD – Manera EXTRA a publiká den su edishon di ayera e deporte di karting ta hañando forma bek aki na Kòrsou. Manera a indiká tambe riba 8 & 9 di Òktober tin un total di 20 karters ku lo partisipá den kompetensia grandi na Aruba. EXTRA tabata den kontakto ku Michael Marugg ku ta na kabes di Curaçao International Karting Club ayera i el a indiká ku tin un entusiasmo enorme bou di e koredornan pa e fin di siman aki. Ya vários koredor a yega Aruba. Ayera tambe a kuminsá saka e karts na for di kònteiner pa asina por kuminsá ku tur preparashon. Den transkurso di e dianan aki EXTRA ta spera di por tin mas informashon di karedanan na Aruba.