WILLEMSTAD.- Curaçao Medical Center (CMC) a habri e portanan di su promé kamber di “Neuro Care Unit” (NCU) pa pashèntnan neurológiko. NCU ta parti di e klínika di Neurologia pa pashèntnan ku problemanan agudo por risibí chekeo intensivo, wòrdu di mónitòr y tratá.
Tin ekiponan spesial y enfermeronan di train pa por identifiká kambionan físiko rápidamente y pa asina
prevení komplikashonnan manera chokamentu òf trombósis. NCU ta tuma e siguiente pashèntnan ku kondishonnan neurológiko: Pashèntnan ku atake selebral; y tambe epilepsia, trouma, i si ta nesesario malesanan muskular. E estadia den NCU ta relativamente kòrtiku.
Despues di esaki e pashènt ta transferí pa departamentu regular di neurologia pa kuminsá e proseso di
rehabilitashon si esaki ta nesesario. Anteriormente, tabata atmití e grupo di pashènt aki den departamentu di kuido intensivo pa kurason.