Curoil a tuma nota di un ‘broadcast’ ku ta bayendo rònt, kaminda ta indiká ku pronto no ta bai tin gasolin na pòmpnan di gasolin i ta spièrta komunidat pa bai tènk. Gerensia di Curoil kier a aksentuá ku no tin motibu pa drenta pániko. Curoil a tuma e medidanan nesesario pa garantisá distribushon di kombustibel na pòmpnan, semper i kuando esaki por tuma lugá di forma responsabel.

Miéntras partidonan ta yega na un akuerdo, Curoil lo sigui monitor e situashon di aserka i ta spera ku e situashon lo normalisá mas pronto ku ta posibel.