Den tiramentu ku morto dilanti Spoonz

WILLEMSTAD.- Un ratu pasá korte di hustisia a dikta sentensia den e kaso di tiramentu dilanti di e diskotèk den Saliña Spoonz. Korte a sentensia e hòmber D.E.S. na un kastigu di prisòn di 48 luna. Esaki pa poseshon di un arma di kandela ilegal na momentu di tiramentu 25 di yanüari 2018. D.E.S. no a haña kondena (vrijspraak) pa e asesinato di e víktima Jeangianno Zimmerman i tiramentu riba e hòmber C M.B. E demanda di Fiskal di Ministerio Públiko (OM) tabata 18 aña di prisòn pa e asesinato, tiramentu i poseshon di arma di kandela. Mas detaye di e kaso den nos edishon mañan.