WILLEMSTAD - Awe alrededor di 05.50’or Sentral di Polis a risibí informashon ku un persona a presentá na warda i deklará ku tabatin un eksploshon na Mampurituweg i ku tin un persona heridá.

Na yegada di polis nan a enkontrá e dama víktima ku kemadura na su pia i man.

For di un investigashon preliminar ku polis a hasi na e sitio, a resultá ku na momentu ku e víktima a bai sende un fòrnu e eksploshon a tuma lugá. Brantwer i personal di Curgas a presentá na e sitio.

Ambulans a transportá e víktima pa sala di emergensia di C.M.C.  Investigashon den e kaso di eksploshon ta kontinuá.