WILLEMSTAD.- Den oranan di atardi polis mester a duna asistensia na un aksidente ku a tuma lugá riba e kaya konosí komo Weg naar Sta.Catharina, na altura di e supermerkado Arco Iris. Informashonnan risibí na e sitio ta indiká ku un dama ku tabata kore riba un skuter, pa un motibu deskonosí a kore bai dal patras di un pikòp ku tabata pará.

E impakto tabata fuerte i komo konsekuensia di esei e dama a haña sla i tabata keha di doló. Ambulans ku a presentá na e sitio a duna asistensia inmediatamente pa despues transportá e víktima pa Poliklínika di hospital. E daño material na e skuter tambe ta bastante.