El a insistí ku e no tabata sa 

WILLEMSTAD.- Durante tratamentu di kasonan di infrakshon di tráfiko un outomobilista femenino a presentá pa motibu ku el a haña un but i no a bai di akuerdo.

Segun e prosèsverbal di polis, e shofùr tabata kore ku un lus parti patras di su outo ku tabata kimá.

E shofùr a ninga e akusashon redondamente.

El a bisa ku el a bin ku su lus no tabata kimá,  ora el a sali kas.

Ta ora polis a par’é el a tuma nota ku su lus tabata sende paga, pues tabata kimando.

E shofùr a sigui bisa ku e agentenan a mustr’é riba su lus, pa despues dun’é un but.

Segun e shofùr, el a splika nan ku e no tabata sa ku e lus no tabata funshonando, pues e no ta haña ta hustu ku nan ta dun’é un but.

P’esei esaki a pone ku el a bai korte.

Fiskal a dun’é rason i a apsolvé di e but.

Hues den su desishon tambe a kere e dama shofùr i a bai kompletamente akuerdo ku e demanda di fiskal.