WILLEMSTAD – Awe den oranan di mardugá outoridatnan mester a akudí den Saliña pa un kaso di tiroteo pa mas eksakto enfrente di Lam Yuen restorant i Lucky Cosmetics. Na yegada di polis a bin topa e víktima benta abou i ta trata di un dama. Vários unidat speshal di polis tabata na e sitio manera reshèrshi i TFO pa hasi nan investigashon. Dòkter di polis tambe a yega na e sitio di e krímen pa konstatá morto di e víktima. Henter e área aki den Saliña tabata sera pa polis por hasi nan trabou. Den transkurso di dia ora mas informashon ofisial drenta di parti outoridatnan polisial.