AMSTERDAM.- De Nederlandsche Bank (DNB), ku ta e banko sentral di Hulanda, ta pidi dispensa pa nan envolvimentu den e komersio di sklabitut transatlántiko. DNB lo tuma medida pa yuda minimalisá konsekuensianan di komersio di sklabitut. E ta toka di medida na Hulanda, Sürnam I den parti Karibe di Reino Hulandes.
Den e último lunanan DNB a reflehá riba investigashon ku a tuma lugá na historia di sklabitut. I tambe tabatin kombersashon ku diferente persona ku ta partisipá den e debate di sklabitut aktual.
Dia 9 febrüari di e aña aki DNB a rekonosé ku e organisashon den añanan 1814-1863 tabata enbolbí den komersio di sklabitut. Parti di e kapital ku a wòrdu usa pa lanta DNB tabata ganashi for di komersio di sklabitut. Banda di esei, diferente miembro di e gerensia di DNB den e periodo 18-14 – 1863 tabata enbolbí den komersio di sklabitut.
Dia 1 di yüli presidente di DNB Klaas Knot a pidi dispensa durante selebrashon di ‘Keti Koti’ na Hulanda, durante ‘Keti Koti’ ta konmemorá ku dia 1 di yüli 1863 Hulanda a abolí sklabitut.
Klaas Knot, durante su spich: “Mi ta pidi dispensa na tur desendiente di hende ku tabata katibu na Hulanda, Sürnam, Boneiru, Sint Eustatius, Saba, Kòrsou, Aruba i Sint Maarten. Dor di e diferente kombersashon ku mi tabatin den e último periodo mi ta realisá ku te ainda tin hopi doló.”

PORTRET
Presidente di DNB Klaas Knot