WILLEMSTAD.-Informashon ku a keda konfirmá ta ku Dean Rozier a tuma retiro for di Partido Democraat. Rozier ta e persona ku durante di último lunanan a kuminsá trèk e proseso pa lanta e partido bèk. Partido Democraat na algun okashon a purba ku lider nobo pero no a logra. Algun luna pasá a skohe pa un otro sistema, a buska e komersiante, eks polítiko Rozier pa traha un plan di rekuperashon pa e Democraat nobo. Manera por a komprondé esei a kana hopi bon i na desèmber di aña pasa Elsa Rozendal a bandoná partido MAN i a bai uni ku partido Democraat.

Informashonnan ku a kuminsá sirkulá den último dianan ta indiká ku lo tin presensia di sierto figuranan ku a pone ku Rozier a kuminsá sinti su mes inkonfortabel. Esei a yega asina leu ku Rozier a entrega su retiro djasabra na direktiva di partido Democraat. Mas detaye den edishon di EXTRA.