WILLEMSTAD - Defensa a konstatá kontagio bou di su mes rangonan na Kòrsou. E organisashon direktamente a tuma akshon i a pone personal ku kehonan relatá na COVID, òf ku un tèst positivo di PCR, den isolashon. Asina e sobrá di e personal por sigui ehersé nan tarea mas tantu ku ta posibel.

Defensa mas tantu ku ta posibel ta tuma e medidanan di RIVM den konsiderashon i den kaso di duda (òf keho), koleganan ta keda poné den isolashon preventivo òf karentena. Ounke ku Defensa, kaminda por, ta mantené su mes na e medidanan di prevenshon, den e tipo di trabou komo  Militar no ta semper posibel pa kumpli ku e guia aki.

Pensa den direkshon di trabounan den espasionan krap, tal manera espasionan di makinaria, un kushina na bordo di un barku, òf na momentu ku bo mester drumi huntu ku mas persona den un  tènt. No opstante e medidanan no por eksluí un kontagio ku COVID-19.

Defensa ta tuma kontagio hopi na serio. Ta pa e motibu ei Komandante di Forsanan Naval den Region Karibe a disidí pa pone e (supuesto) militarnan kontagiá na Kòrsou den isolashon i pa tèst nan, pero inkluso personal ku un riesgo haltu, posiblemente pa medio di un fuente di kontakto,  ta ser poné den karentena. Pa medio di ehekushon na un forma korekto di e periodo di isolashon òf karentena, ta posibel pa ubiká e Militarnan operashonalmente mas pronto ku ta posibel despues i di un forma sigur.