WILLEMSTAD - Defensa i Wardakosta den Region Caribe, tambe durante e edishon Velas 2026 for di dia 2 te ku 4 di Mei, lo duna un kontribushon impreshonante na e evenementu di barkunan grandi Velas. Ku un un programa di demonstrashon ekstenso, presentashonnan marítimo i un ekshibishon di Defensa i Seguridat, esaki ta primintí di bira un evenementu bunita pa grandi i chikitu.

Tirunan di saludo durante nabegashon di entrada

Riba Djasabra 2 di Mei pa 08.00 or mainta e promé barku ku ta nabegá drenta ku ta, Juan Sebastián de Elcano, lo keda saludá seremonialmente pa Marina Real ku tirunan di saludo durante e ‘sail-in’. Ku esaki ta habri ku broche de oro pa dianan ku ta sigui yen di tradishon i espektákulonan marítimo.

Demonstrashonan espektakular riba Djadumingu

Djadumingu 3 di Mei ta kompletamente den e lus di demonstrashonnan espektakular riba laman i den laira den serkania di Brùg Emma. Entre 13:15 i 14:45 or un programa variá lo keda presentá durante kua unidatnan di Marina Real i di Wardakosta lo demostrá kon nan ta operá durante operashonnan di, entre otro, búskeda i reskate i tambe abordamentu.

E programa ta kuminsá ku un asina yamá ‘fly by’ (entrada di buelo pasa bai) di e Dash 8 e avion di patruyahe, siguí pa entre otro un akshon di intersepshon di un asina yamá ‘go-fast’ (boto rápido), un demonstrashon di Búskeda i Reskate den koperashon ku CITRO, i tambe presentashon di e peloton mayó di barku di Kuerpo di Marina i tambe di e helikòpternan di kombate marítimo AW139 i NH90. E demonstrashonnan ta duna e públiko un bista úniko di paden den e esfuersonan diario di e unidatnan den Region Caribe.

Tambe riba Djadumingu tin dos bloke ku demonstrashonnan, ehersé riba tera, pa Militarnan/Soldánan di Kòrsou den e Defense & Security Village (Pueblo di Defensa i Seguridat), desde 15:45 te 16:30 or i di 19:00 te 19:45 or.

‘Defense & Security Village’ na Motetwerf

Ademas di akshonnan den laria i den Bahia Santa Ana, Defensa ta presentá su mes riba tera ku eksposishonnan riba Motetwerf, ku personal i material.

Aki tambe e barku di stashon Zr.Ms. Friesland ta mará i e cutter Jaguar di Wardakosta; públiko lo por tira un bista riba esakinan.

E ekshibishon di Defensa i Seguridat ta habrí:

* Djasabra 2 di mei di 14:00 pa 21:00 or

* Djadumingu 3 di mei di 10:00 te 21:00 or

* Djaluna 4 di mei di 10:00 te 21.00 or

Ku mas di 100 trahadó entusiasmá Defensa i Wardakosta ta kla pa risibí i informá bishitantenan.

Bishitantenan por sera konosí ku diferente parti, entre otro, Wardakosta, Marechosé Real, Vrijwilligers Korps Curaçao i Soldá/Militarnan di Caribe. Pa hóben i mucha tin masha hopi aktividat mes di Marina Real, manera un pista desafiante di opstákulo i un toren ku por subi.

Sosten Musikal

Durante e evenementu e Orkesta di Forsanan Aéreo Real lo brinda músika ku lo trese un ambiente ku un mensahe mas profundo, ku lo stimulá enkuentro i konekshon, i ku ta hasi e versatilidat di e forsanan armá palpabel.

Djasabra 2 di Mei nan lo presentá riba Briónplein ku artistanan manera Shirma Rouse, ku arreglonan di entre otro Randal Corsen.

Djadumingu 3 di Mei pa 12:00 or mèrdia un biaha mas lo por presensia nan riba Brionplein.

Entrada grátis

Tur e aktividatnan den e ‘Defensa & Security Village’ por keda bishitá gratuitamente. Defensa i Wardakosta ta invitá tur hende kordialmente pa pasa, sera konosí ku e trabou i ku e hendenan tras di e organisashon, i tambe pa gosa di dianan kankan di akshon, informashon i eksperensianan grato.