WIILLEMSTAD.- Faltando 31 dia pa Kòrsou hasi historia ku su presentashon na Mundial di Futbòl 2026, nos di EXTRA a kapta algun dekorashon di bala den sentro di siudat. Na e rotònde na altura di “Renaissance” por a mira un bala poné. Djasabra nos a tuma nota ku a transportá un bala grandi pa Brionplein. Nos a komprondé ku lo bai hasi dekorashon riba Brionplein den kuadro di nos “Blue Wave” na Mundial di Futbòl 2026. Un petishon for di awor, ban kuida nan.