WILLEMSTAD.- Manera EXTRA a informá anteriormente, awe korte di hustisia a trata e kaso di atrako Ta un kaso k a tuma lugá dia 9 di mei 2013 i awe hustisia a atendé ku e tiponan sospechoso den e kaso aki. Awe den oranan di atardi fiskal di Ministerio Públiko (OM) Kòrsou a hasi un demanda di 18 aña di prizòn pa Q.P. i 18 aña di prizòn pa S.F tambe.

OM ta akusá e dos sospechosonan P i F di un atrako armá ku morto komo konsekuensia i poseshon di arma di kandela ilegal. E krímen aki a lugá mas ku sinku aña pasa pero ketu bai e ta kousa hopi doló, prinsipalmente serka famia di e víktima. Korte a trata e kaso kontra P. "bij verstek" debí ku ainda e ta fugitivo di hustisia di  Kòrsou. Tur sobra detaye den edishon di EXTRA.