WILLEMSTAD.-Siman a habri ku kontinuashon di e apelashon den kaso Maximus, kaso den kua a trata esnan ku a organisá i òf paga pa logra asesinato di Helmin Wiels. Tratamentu di e kaso ta sigui den kazèrne na Suffisant. E persona prinsipal den e kaso aki ta Jorge Jamaloodin.

Un ratu pasá Jamaloodin a tende abogado general hasi un demanda di 42 luna kontra di dje den e kaso Passaat i Germanium. Esaki a sòru pa basta emoshon atrobe den e sala. Awor Ministerio Públiko a kuminsá ku su rekisitor den kaso Maximus. Keda pendiente pa detayenan di e kaso.