WILLEMSTAD.- E akusadonan Louisyn Yeung (49 ) i Patrick Yeung (46 ) a tende fiskalnan Jansen i Niks pidi un kastigu di  15 aña i 8 aña respektivamente awe tardi. Tabatin 7 akusashon kontra di nan. Ta trata di e investigashon ku a keda yama “ Play Boy”, di kual ámbos akusado ta keda akusá ku dia 10 ougùstùs 2019 nan tabata den poseshon di un revòlver, 176160 gram di koka.
Tambe nan ta keda akusá ku den e periodo di 30 di yüni nan tabatin un kantidat di 28755 gram di mariwana, un Glock 26, mas 21 bala.
Ministerio Públiko ta akusá nan tambe pa un investigashon ku a keda yama Toren. Den e investigashonnan aki nan ta wòrdu akusá ku den e periodo di 13 di sèptèmber 2016 di tabatin 7 arma potente, 226 bala na tur di diferente arma, 18 bala di hagel,182265 gram di koka i 11320 gram di mariwana.
Pa loke ta trata e di 6 akusashon, ámbos ta keda akusá di tabatin 23786 gram di mariwana dia 30 di yüni 2020 mas 1 munishon.
Dia 9 di ougùstùs den un entrada hudisial/akshon maratóniko di mas ku un dia di mei a kondusí na un lote grandi kokaina ku tabata bon derá/skondí bou di tera.Den edishon di EXTRA mayan lo tin un relato amplio.