WILLEMSTAD – Fiskal a pidi un demanda di 20 aña den kaso di asesinato den Pampanostraat. Awe mainta Korte di Promé Instansia a kuminsá trata e kaso di e asesinato ku a  tuma lugá dia 29 di sèptèmber 2022 den Pamapanostraat na Maripampun. E akusado ta Edion Lourens di 24 aña ta keda akusá di a asesiná e víktima Nathaniel Yoel Pastor di 27 aña ku vários tiru. Fiskal a hiba su rekisitorio i djei a presentá su demanda.

Tabata djaweps 29 di Sèptèmber 2022 den oranan di atardi, ku sentral di Polis a risibí notifikashon ku den Pampanostraat tin un hòmber drumí riba su lomba i no ta reakshoná. Durante un investigashon polis a tuma nota di imágennan di kámara kaminda por a mira e number di e outo i e personanan ku a presentá na e sitio.

Mas detaye mayan tempran den EXTRA.