Willemstad,- Korte di prome instandiá a trata e kaso di dobel asesinato ku a tuma luga dia 23 di mei aña pasa na Suax na altura di un barberia. Pa ku esaki OM ta akusa Andrew Osteana di ta esun ku a komete e akto aki dor di basha bala riba Molina i Pedro i intento di asesinato riba Thielman . Osteana a ninga e akusashon i a bisa ku e no tin nada di haber ku e kaso. Mama di Thielman ku a kore yega serka su yu ku tabata benta abou, despues di a tende 4 tiru a deklara ku su yu a bise ku ta ‘Boyo’ ( Osteana) a manda hende pa kaba ku si bida. Despues di algun dia na Colombia den hospital, Thielman a deklara ku ta Osteana ta esun ku a tire pa un debe di 700 florin pa un arma di kandela ku e tabta debe. Osteana tabata traha na servisio Panamericano i tabata sertifika den tiramentu. Fiskal a hasi un demanda di 30 aña di kastigu.