WILLEMSTAD. - Awe Korte a trata e kaso penal di Ministerio Públiko kontra primunan Yeung di respektivamente 16 i 19 aña. Nan ta keda sospechá ku dia 13 di sèptèmber 2016 di tabata den poseshon di  7 arma di kandela (3 pistol Glock, 3 pistol full outomatiko Glock i 1 shotgun), hopi munishon, 182.3  kilo di kokaina i 11.3 kilo di mariwana. Ounke ku un di e sospechosonan ta menor di edat, tòg a disidí pa trata e kaso ku "porta habrí".

For di investigashon a sali na kla ku ta trata probablemente di droga i arma di kandela ku a yega tera for di laman den bahia di Sint Joris e anochi anterior 12 di sèptèmber 2017 den kareda di 23:45 or.

E sospechosonan L.Y. i B.Y. no a kontesta ningun pregunta di hues. Nan a hasi uso di nan derechi di keda ketu.

Fiskal a hasi un demanda di 6 aña di prison pa B.Y. i pa menor di edat L.Y. "jeugddetentie" te su 18 aña. Ora e sali JIC mester sigui 6 luna ku supervishon elektróniko (banchi). Tambe Fiskal a hasi demanda di 2 aña temporada di prueba i supervishon di Jeugdreclassering ku demanda pa e sigui skol.

Tambe Fiskal a pidi hues  konfiskashon di un telefon selular, vários artíkulo ku a haña den outo i konfiskashon di e vehíkulo Toyota "Prado" ku a usa pa transportá e droga, arma i munishon.

Aki 3 siman hues ta duna su veredikto den e kaso aki.

Detaye amplio di e kaso ta sali den korant EXTRA mañan.