WILLEMSTAD. - Tur hende ku ta den e mundu di wega di dominó, ora ku nan tende  e nòmber di Demetrio Gijsbertha, mester sa ta ken. Demetrio tin 70 aña ta hunga dominó praktikamente tur kaminda ku tin enkuentro di dominó aki na Kòrsou. Pues el a partisipá na masha hopi enkuentro durante 70 aña largu, ku defakto dominó a bira su bida. Dia 22 di desèmber último famia, konosí i amigunan tabatin un homenahe spesial dediká na Demetrio na okashon di kumplimentu di su 88 aña di bida. Na e okashon ei, a entregá Demetrio un plaka ku ta marka su trayektoria den dominó durante e último 70 añanan.