CBS: Mas tantu hende hòmber a muri

WILLEMSTAD.-Den un informe di Buro di Statistik (CBS) ta informá ku den 2018 un kantidat total di 1399 hende a muri miéntras ku na 2019 1387 hende a muri. E repartishon entre hende hòmber i hende muhé tambe ta mustra diferensia. Na 2018 720 hende hòmber a muri kompará ku 679 hende muhé ku a muri. Na 2019 709 hende hòmber a muri i 678 hende muhé a muri, loke por hiba na e konklushon ku den ámbos aña mas hende hòmber a muri kompará ku hende muhé.

Un bista riba e mortalidat segun edat ta mustra ku na 2019 e hendenan di 0 – 44 aña ku a muri ta 70, miéntras ku e kantidat di hende entre 45 -74 aña ku a muri ta 586. E kantidat mas grandi di hende ku a muri ta esnan entre 75 pa 100 aña òf mas grandi, den e kategoria ei 731 persona a muri.