WILLEMSTAD.- Kasonan di asesinato a baha den 2020 kompará ku den 2019. Den 2019 tabatin 19 kaso i 2020 a sera aña ku 13 kaso di asesinato. Den luna di yanüari 2020 tabatin mas tantu kaso ku ta 4 asesinato. I den luna di sèptèmber tabatin 3 kaso asesinato.
E kasonan a baha bastante kompará ku for di aña 2003 ku esaki tabata den pik di 53 kaso. Esaki ta loke ku sifranan ku Kuerpo Polisial a presentá na prensa di krímen den 2020.
E detenshon di sospechosonan pa kasonan di asesinato den 2020 tabata 22, kompará ku den 2019 ku tabata 23.
Di e kantidat di 13 kaso di asesinato, 11 tabata hende hòmber i 2 hende muhé.
Pa loke ta trata e arma ku a usa pa kaba ku e víktimanan su bida ta: den 8 kaso a usa arma di kandela; 2 opheto pa hinka hende, 1 arma, 1 kaso tabata físiko i 1 kaso a usa otro método pa mata hende. tambe di e 13 kasonan, 6 tabata akto di likidashon, 2 kaso di violensia relashonal i 5 tabata disputa òf bringamentu.
E porsentahe di solushon dje kasonan den 2020 si ta hopi i kual ta 66,67% kompará ku aña 2019, esaki tabata 58,82%. Di 2016 pa 2018 e porsentahe di solushon di kasonan asesinato tabata mas ménos.