WILLEMSTAD – Den e relato anual di SDKK for tuma nota ku na 2020 tabatin ménos kontrol den e instituto aki kompará ku 2019. Si den 2019 tabatin 47 kontrol den 2020 tabatin 30 den e sentro di korekshon. Motibu prinsipal pa esaki tabata konsekuensia di e medidanan di Covid dentro di SDKK. Durante e kontrolnan den 2020 no a bin enkontra niun arma di kandela òf un parti di un arma ni bala.

Den 2020 a logra konfiská 294 bola di mariwana, 147 telefòn mobil, 95 kabel di USB, 42 simcards, 32 charger, 31 spiker di orea, 9 bateria, 40 arma blanku, 16 staf di heru, 12 beitel, 5 angua i 3 skrufdrai. Pa loke ta telefòn konfiská, 147 ta ménos ku e 196 nan konfiská na 2019.