WILLEMSTAD - Djamars 16 di febrüari 2021, personal di Warda di Polis di Barber, a tene kontròl di tráfiko general, dirigí riba surpasá e velosidat ku ta permití. E kontròl aki a tuma lugá entre 08.50 or pa 10.07 or, riba Weg naar Westpunt.

E agentenan a repartí un total di 40 prosèsverbal. Entre otro 35 prosèsverbal pa surpasá e velosidat ku ta permití i 5 pa diferente otro infrakshon kometé.

E kontròlnan aki lo kontinuá.