WILLEMSTAD – Curaçao Airport Partners (CAP) ta informá den su relato di kuartal ku konektividat entre e islanan di Karibe Hulandes a permanesé sumamente difísil pa pronostiká, debí na e oumento den presensia di e vírùs i e mutashonnan di esaki. Den e promé kuartal di 2021 Karibe Hulandes a representá 25% di e tráfiko di pasahero. Tráfiko di pasahero den yanüari lamentablemente a baha ku -32% kompará ku desèmber 202. Febrüari a mira un oumento di +43% kompará ku yanüari, i den mart tráfiko a baha ku -8% kompará ku febrüari.

Suramérika a mustra un rekuperashon debil i mas slo ku a pronostiká. Reanudashon di servisio aéreo di nos partner den aerolínea a ser planiá pa otro fecha òf a keda posponé. Ku mayoria di e paisnan di Suramérika será pa tráfiko di pasahero internashonal, aerolíneanan ta pèrdè e entrada di pasaheronan for di paisnan importante manera Brazil, Argentina, Chile i Perú.