WILLEMSTAD.- Ta bai tin vários dia den luna di òktober ku no tin kasonan den Korte. Normalmente tin kasonan tur djaluna (mèrdia), djarason, djaweps (kasonan den apelashon) i djabièrnè. Den òktober sinembargo a disidí ku lo no tin kaso dianan 4, 5, 10, 17, 18, 19 i 22 di òktober 2018. Esaki tin vários motibu. 4 i 5 di òktober Ministerio Públiko (OM) lo tin dos dia di estudio, dia 10 di òktober ta un dia ofisial liber pa selebrashon di Dia di Kòrsou miéntras ku 17, 18, 19 i 22 ta reservá pa dianan di estudio di Korte di Hustisia.