WILLEMSTAD.- Ayera nochi algu pasá di 12 or, polis a haña un tep ku un bar riba Cubaweg lo tabata habrí normalmente den orario di Toke de Keda, i ku lo tabatin fiesta ta tumando lugá. Polis i otro unidatnan a harma un plan pa bai wak kiko ta pasando na e establesimentu en kuestion.
Na yegada n’e bar ta mustra di ta kompletamente será, i ku lo no tin ningun aktividat ta tumando lugá. Banda di esaki no tabatin outo pará dilanti dje bar. A resultá ku e bishitantenan di e bar a stashoná nan outo dilanti kas di abitantenan den bisindario, i na pia a kana bai e bar p’asina despistá outoridatnan.
Polisnan a rondoná e bar, i seguidamente a prosedé pa habri e porta di e bar, kaminda a topa mas di 50 hende sintá ta bebe, kombersá i baila den e lugá. Tabatin un fiesta, pasobra e dama a sali bai ku polisnan ku su bolo den man.
Mayoria dje hòmbernan ku tabata den e establesimentu tabata kurasoleño, miéntras e damanan tabata latino.
Esnan ku no por a identifiká nan mes, mester a bai ku polis. Un total di 14 hende muhé latino a bai warda di polis.

LAGA UN KOMENTARIO

Please enter your comment!
Please enter your name here