WILLEMSTAD.- Polis a duna identifikashon di e víktima den e kaso di tiramentu ku morto, ku a tuma lugá dia 2 òktober último. E víktima a keda identifiká komo Denilson Nöel Gijsbertha, nasé na Kòrsou dia 07 di sèptèmber 2002. Pues el a kaba di hasi 23 aña.
Den oranan di mardugá di 2 òktober, dos tipo a yega den e SUV koló pretu, i ora nan a yega na porta di emergensia di CMC nan a para e outo, baha i kore bai lagando e víktima den un estado krítiko atras. E víktima tabatin herida di bala na e parti ariba di su kurpa.
Alrededor di mitar di 3, dòkter na warda a konstatá morto di e víktima. Riba òrdu di fiskal di Ministerio Públiko a konfiská e kurpa sin bida. Por a tuma nota ku polisnan tabata hasi investigashon na e skina di kaya ku Andres Belloweg kaminda a haña markanan di outo.