WILLEMSTAD.- E konsorsio lokal CORC BV ku partisipashon di e kompania Brasilero GDE a firma awe 17 mart 2021 un asina yamá Memorandum of Understanding ku Refineria di Kòrsou (Rdk). Den e MOU patidonan ta komprometé pa firma 18 mart 2021 un akuerdo definitivo riba operashon di e plantanan di Refineria Isla.

E MOU ta firmá pa Manuel Hussein de Sila De Freitas komo gerente general di CORC BV i Marcelino De Lannooy na nòmber di RdK. E akuerdo final ta bai pa operashon di e instalashonnan di Curaçao Oil Terminal (COT) na Bullenbaai i e refineria na Emmastad.<br>

Partidonan pues ta hopi leu den e negosiashonnan mirando ku den 1 dia di tempu ke yega na akurdo final.