WILLEMSTAD.- Extra a tuma nota ayera ku riba media sosial tin un video ta sirkulá ku ta kompletamente falsu. E ta mustra entre otro Oscar van Dam den su programa di Extra Journaal. Deskonosínan a usa teknologia di AI pa pone palabranan (na Ingles) den boka di Oscar van Dam ku nunka el a bisa durante Extra Journaal ku ta na Hulandes.

Esaki ta duna un impreshon kompletamente robes i ta hopi di lamentá. I tambe kastigabel. Extra ta informá tur su lesadónan i henter pueblo di Kòrsou tokante e fake news aki.

Den e video por mira tambe entre otro parlamentario Ana-Maria Pauletta ku ta skirbi riba su página: Fake News!!! ‘E ta konseha tur hende pa raportá e pagina na Facebook.’