WILLEMSTAD.- Ayera a tuma despedida di eks-minister mr. Gualberto “Boy” Hernandez. Esaki a wòrdu kompaña ku un akto seremonial kaminda eks-Minister Presidènt Ir. Don Martina den su diskurso a bisa ku e ta tin e honor di a traha ku Boy Hernandez komo minister den su gabinete i tambe komo Minister Plenipotensiario (Gevolmachtigde Minister) na Den Haag. Tabatin diskurso tambe di sra. Elsa Rozendal, lider polítiko di Partido Democraat i presidente di ABVO sr. Adrie Williams. Mr. Gualberto Hernandez banda di su karera komo gobernante i ámtenar tabata sekretario di ABVO, presidente di Scouting Antiano i presidente di Kiwanis. I a risibí kondekorashon di Reino Ulandes di Commandeur in de Orde van Oranje-Nassau i Ridder in de Orde van de Nederlandse Leeuw.  Di Venezuela Boy Hernandez a risibí e kondekorashon Francisco de Miranda en la Primera Clase.