WILLEMSTAD.- Despues di 3 diferente kaso di atrako kometé, porfin outoridatnan a logra pone man riba e sospechoso.

Ayera alrededor di binti pa diesun di mainta, tim di Atrako a hasi un detenshon na Fransebloemweg. E detenshon ta relashoná ku atrakonan ku a tuma lugá dia 9 di mei 2022 na Kaya Point A Pitre, dia 4 di yüni 2022 na un adrès na Eendweg i ayera 28 di yüni 2022 na Kanga.

Polis a hasi detenshon di e hòmber sospechoso R.E.B.Q. di 46 aña di edat nasé na Kòrsou. A presentá e sospechoso dilanti di un fiskal ouksiliar ku a ordená enkarselamentu, pendiente pa mas investigashon.