WILLEMSTAD. - Despues di e anunsio di parti di Gobièrnu, ku a hala Toke de Keda pa mas tempran, esta pa 11ór di mainta i ku 10ór tur establesimentu mester ta sera, por a tuma nota ku 5 minüt despues tráfiko tur kaminda tabata pega. Minister Pisas a hasi e anunsio i den mesun rosea el a pidi pa tur hende ser kouteloso i sòru pa nan seguridat. E anunsio aki tabata nesesario tumando na konsiderashon ku e sistema tropikal ta avansando mas lihé ku a antisipá. Ta ferwagt e sistema lo yega den kareda di 7ór di anochi, miéntras e promé efektonan di bientu ku forsa di tormenta tropikal lo kuminsá sinti esaki for di 1ór di mèrdia. Esaki tabata motibu ku tur hende a buska kaminda pa kas, pa nan seguridat.