WILLEMSTAD. - Ministerio Públiko di Kòrsou den koperashon ku Duana Kòrsou a tene durante añanan tras di lomba vários akshon grandi kontra persona- i empresanan ku a hasi nan mes kulpabel na importashon, almasenamentu i ofresementu na benta di merkansia falsifiká. E akshonnan aki a resultá ku a konfiská i destruí merkansia falsifiká, ya ku importashon, eksportashon, trasbordo, tin den stòk i ofresé na benta di merkansia falsifiká ta kastigabel konforme nos leinan penal lokal.

Último simannan tras di lomba a bin ta tuma nota ku tin personanan ta drenta pais via di aeropuerto Hato ku kantidatnan grandi di merkansia falsifiká. Mirando e periodo di fakansi nos dilanti, i sabiendo ku hopi siudadano ta biaha pa eksterior i ta hasi kompra di merkansia ku intenshon pa importá esakinan, Ministerio Públiko i Duana Kòrsou ta haña importante pa (bolbe) informá públiko ku ta kastigabel pa importá merkansia falsifiká òf tin esakinan den nan poseshon.

Relato amplio mainta den korant Extra.