WILLEMSTAD.- Esnan ku ta interesá pa eksplotá lugá di stashoná outo den Sentro di Siudat por inskribí nan mes dia 17 febrüari próksimo. Den un aviso, ministerio públiko ta indiká ku e destaho públiko pa por eksplotá lugánan di stashoná outo den Punda i Otrobanda, a kambia di fecha. E fecha nobo pa e destaho públiko ta dia 17 febrüari.

Manera ta konosí ta for di aña pasa novèmber gobièrnu a anunsiá destaho públiko pa maneho nobo di parkermentu siudat.

Tambe ta for di aña pasá lo mester a sali e aviso pa destaho públiko, pero ta awor numa el a sali.

For di 2010 tin Parking Authority (PAC) ku a haña e maneho aki pa 10 aña.

E Parkeerbeleid ei tei for di promé ku 2010 i esei ta loke gobièrnu ta sigui ehekutá pero lo bai organis'é mas mihó.

P’esei e maneho a bin pa strukturá e sistema di parker, dor di hasié paga. E hende por skohe kuantu e ke keda para einan, pero e tin di paga pa e parker den Punda i Otrobanda.

Awor e momentu a yega ku tin di buska un manehadó nobo òf kisas asta esun eksistente, tur kos ta dependé ta ken ta gana e destaho.

E kambio ku lo bin awor ta ku no ta duna un maneho pa 10 aña largu pero 5 aña.

Gobièrnu ta spera ku lo keda kla ku maneho nobo pa e parkermentu den siudat na luna di Aprel.