WILLESMTAD – Na e parke industrial na Seru di Mahuma i pa mas eksakto serka e empresa Panda, kriminalnan a kometé un destrukshon total di vehíkulonan stashoná einan. Vários polis a akudí na e sitio di destrukshon masal aki pa tuma informashon i inisiá un investigashon profundo. Por a konta sigur 15 vehíkulo entre otro trùk, katapila i konvoi di e kompania Panda ku ta spesialisá den solushon industrial. Tur e vehíkulonan tabata para dilanti di e lugá den nan garashi i esnan ku a kometa e akto brutal aki a bati kibra un kantidat di glas. A habri un tanki di asfalt i laga esaki basha riba tera i asina kousa daño di e forma aki tambe. Un destrukshon di marka mayor ta loke gerensia di Panda a bin topa awe mainta. E kaso ta bou di investigashon.

 Fotonan ta duna un bista di e destrukshon total awe Seri Mahuma