WILLEMSTAD.- Ayera un biaha mas tabata otro dia kaminda detenidonan a pasa un dia desagradabel den diferente sentido debí na skarsedat di wardadónan di prezu.

EXTRA a risibí un informashon for di un prezu ku a konta eksaktamente  kiko a tuma lugá ayera i kon e kosnan a kana na Sentro di Detenshon i Korekshon Kòrsou.

Promé e prezunan a risibí nan pan di mainta mas o ménos mitar di diesdos kual ta kasi e orario ku nan mester haña kuminda kayente di mèrdia. E kuminda kayente di mèrdia mes a yega te 3 or pasá di atardi.

Pa loke ta trata luchtmentu esaki a tuma lugá te mitar di kuater di mèrdia i ta mei ora so e detenidonan a haña pa nan entre otro kore hasi un yamada lihé lihé.

Tabatin sierto blòk nan kaminda e detenidonan no por a bai lucht mes. Tur esaki debí na skarsedat di wardadónan di prezu.

Segun e detenidonan ta indiká, e situashon aki a bira algu ku ta tuma lugá kasi tur luna ora yega fin di luna kaminda wardadónan di prezu ta keda kas pa loko i ta e detenidonan ta sali perhudiká.