WILLEMSTAD.- Detenshon ta kaso di un persona ku durante di kontròl di tráfiko a disidí pa insultá un dama agente polisial. Esaki a tuma lugá djamars 4 di mei 2021, personal di Departamento di Tráfiko huntu ku un klas di aspirante pa polis a tene un kontròl di tráfiko general.
E kontròl akí a tuma lugá entre 08.15 or pa 11.15 or riba F.D. Rooseveltweg.
E personal a kontrolá un total di 56 vehíkulo i a repartí un total di 27 prosèsverbal pa
diferente infrakshon kometé.
Tambe polis a detené 1 persona femenino ku a insultá polis durante ku nan ta ehersiendo nan labor.
Djárason 5 di mei 2021, tambe e personal di Departamento di Tráfiko huntu ku un klas di aspirante pa polis a tene un kontròl di tráfiko general.
E kontròl akí a tuma lugá entre 10.10 or pa 12.30 or riba Sta. Rosaweg.
E personal a kontrolá un total di 84 vehíkulo, a repartí 21 prosèsverbal pa diferente
infrakshon kometé i 8 vehíkulo a keda konfiská.
E kontròlnan aki lo kontinuá.