PHILIPSBURG, St. Maarten.- Outoridatnan di Team Bestrijding Ondermijning (TBO) a detené un parlamentario awe na St.Maarten. Ministerio Públiko no ta indiká e nòmber kompletu pero ta konosí ku ta trata di e parlamentario Frans Richardson kende ta lider di United St.Maarten Peoples Party (USP).

Manera indiká a detené Frans awe i ta akus’é di tuma soborno, tambe ku e ta hasi mal uso di su funshon pa saka benefisio,asina Roderick Gouverneur di ministerio Públiko a konfirmá. Den pasado tambe a yega di detené Frans pa otro kaso kaminda tambe e tabata embolbí ku mesun tipo di delitonan. Den e tempu ei tabata trata e korupshon rondó di haf di St.Maarten den kua Frans a keda 10 será akusá di froude i korupshon. Anteriormente tabatin otro investigashon riba kumpramentu di voto ku tambe a menshoná posibel partisipashon di Frans.

 E tim TBO ta spesialisá pa aktua kontra kasonan di korupshon i kriminalidat den ámbito finansiero ekonómiko. E tim ta investigá kasonan relashoná ku labamentu di plaka, falsifikashon I froude.