ROTTERDAM.- Informashon for di Ulanda ta indiká ku outoridatnan a detené tres hóben di desendensia antiano ku lo mester ta pertenesé na e gang di ‘Franselaan’. Polisnan pa basta dia kaba tin bista riba seis hóben menor di edat pa nan partisipashon den e gang menshoná. Segun polis di Rotterdam ta informá, a detené e hóbennan aki relashoná ku nan posibel partisipashon den un kaso di violashon, ademas tin indikashon ku nan lo por ta embolbí den mas kaso tambe.

Manera indiká tur e hóbennan ku polis tin bista riba dje ta antiano òf di desendensia antiano. Segun outoridatnan e hóbennan aki lo ta embolbí den violashon di algun damita ku tambe ta menor di edat.  A detené e rumannan Geremy i Jermely B.  relashoná ku violashon kruel di un dama di 35 aña na Schiedam. Esei ta un kaso ku a tuma lugá na 2016. A detené nan na 2017 den e periodo ku nan tabatin 15 i 16 aña di edat respektivamente, pero entretantu ámbos ta liber atrobe.

Polis ta kere ku tin un damsita na Schiedam ku posiblemente a keda violá a Geremy. Mayoria di nan víktimanan ta den área di Schiedam. Ta sospecha ku e gang aki lo ta embolbí den mas kaso pero e problema ta ku den mayoria kaso e víktimanan no ta hasi denunsia.

Ta bini aserka ku aparentemente tin miembronan di e gang ku ta infektá ku malesanan venériko i di forma konsiente ta pega nan víktimanan ku malesa.