Detenshon pa estafa

WILLEMSTAD. – Relashoná ku un investigashon di estafa ku ta den proseso, polis a hasi dos detenshon.
Ayera alrededor di kuartu pasá di seis di atardi, reshèrshinan di VVC a señalá e dos sospechosonan riba Kaminda Hensley “Banban” Meulens sintá den un vehíkulo.
Riba òrdu di Ministerio Públiko, e reshèrshinan a hasi detenshon di dos sospechoso.
Ta trata di e siguiente sospechosonan, e hòmber L.L.S.J.B. di 26 aña di edat i e dama K.I.J.B., di 30 aña di edat. Ambos sospechoso ta nasé na Kòrsou.
A presentá ámbos sospechoso dilanti di un fiskal ouksiliar ku a ordená nan enkarselamentu pendiente mas investigashon.