WILLEMSTAD - Enkonekshon ku un kandela intenshonalmente pegá i maltrato ku a tuma lugá dia 7 di yanüari 2024 na na un adrès na Krakeel, awe djárason 31 di yanüari 2024 alrededor di 10.42’or polis a hasi un detenshon.

Enkonekshon ku un kandela intenshonalmente pegá i maltrato ku a tuma lugá dia 7 di yanüari 2024 na na un adrès na Krakeel, awe djárason 31 di yanüari 2024 alrededor di 10.42’or polis a hasi un detenshon.

Mesora despues di e suseso ariba menshoná personal di e tim di reshèrshi di Barber a kuminsá ku un investigashon ku a guia na e sospechoso.

Awe e tim enkargá ku e investigashon riba òrdu di fiskal di Ministerio Públiko a tene un entrada hudisial na Krakeel i a detené e e hòmber V.H.R.H, di 50 aña di edat nasé na Kòrsou.

Durante di e entrada hudisial aki a haña i konfiská artikulonan ku ta importante pa e investigashon.

A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.