WILLEMSTAD.-
Den un kòmbersashon ku EXTRA a hiba ku fiskal di Ministerio Públiko mr Guillano Schoop relashoná ku e proseduranan di lei ku e organisashon tin ku tene su mes na dje, relashoná ku e pandemia di COVID, el a splika ku nan mester dil ku vários reto ku e situashon aktual a trese kuné.
Entre otro personanan ku ta detené i esnan ku entre tantu ta kontagiá, kon ta bai hasi ku e kapasidat di detenshon.
Pasó si tin personanan ku ta kontagiá, no por pone nan den detenshon huntu ku otro detenido.
Esei ta nifiká ku tin ku sera sierto kamindanan di detenshon, pero ku e konsekuensia ku tin ménos kapasidat e ora ei i no por bai over na detenshon di e sospechosonan ku hustisia tabatin intenshon òf un plan di detenshon. Esei ta pone ku por atendé solamente ku kasonan manera “heterdaad” i stòp ku detenshonnan planiá.
Segun Schoop un otro kos ku nan tin ku tene kuenta kuné ta e kantidat di kasonan ku ta drenta di siudadanonan ku ta faya ku e reglanan aktual esta e parti di “beschikking” etc.
Pa ku e hendenan aki Ministerio Públiko tin ku husga e prosèsverbal pa nan haña e karta di transakshon ku ta indiká e montante di but ku nan tin ku paga i evitá ku nan kaso ta bai dilanti. Otro banda mester buska fecha pa e kasonan ku si tin ku wòrdu tratá si e personanan no paga.

https://extra.cw/e-pandemia-tin-reperkushonnan-pa-om-tambe/