WILLEMSTAD.- Awe djárason 9 ougùstùs 2017, polis a risibí notifikashon di hospital ku 12.23 or dòkter a konstatá morto di e hòmber/víktima Ramsis Egberto Sintjacoba, nasé na Kòrsou 24 aprel
1965.

E víktima aki ta e di sinku morto den e kaso di tiroteo ku a tuma lugá dia 7 ougùstùs último na Jamaicaweg.
Riba òrdu di Fiskal di Ministerio Públiko a konfiská e kurpa sin bida di R.E. Sintjacoba pa mas investigashon.

E último víktima ku a pèrdè su bida a bira e di 21 persona asesiná pa loke ta trata aña 2017.

Segun informashon adishonal ku Kuerpo Polisial a suministradó na prensa, e Identidat di e di kuater víktima di tiroteo en kuestion ta konfirmá. Ta trata di e hòmber Franklin Elias Pieters, nasé na Kòrsou 22 di ougùstùs 1987.

Polis ta supliká tur persona ku por tin informashon di e kaso aki, pa tuma kontakto ku polis
na 917 òf e liña anónimo 108.