UPDATE: Víktima aksidente a kaba di kumpli 23 aña

ORANJESTAD.- Polis di Aruba ta informá ku e víktima den e kaso di aksidente fatal awe mardugá na altura di La Granja ta Edmar J.Q Lampe nasé dia 9 di yüni 1996 na Aruba. Apénas e víktima a kaba di kumpli 23 aña djadumingu ultimo.

Di 7 morto den tráfiko na Aruba

ORANJESTAD.-  Na Aruba a registrá otro morto den tráfiko. Den e anochi di djabièrnè pa djasabra, alrededor di 03:45 sentral di polis a haña un yamada pa informá di un aksidente di tráfiko hopi grave ku a kaba di tuma lugá na altura di La Granja.

Na yegada di e prome patruya nan a topa ku un aksidente entre un motersaikel i dos outo. Ku hopi urgensia a transportá e shofùr di e motersaikel pa hospital. Mas lat a drenta informashon ku dòkter a konstatá morto di e shofùr di e motersaikel na 04:39 am. Ainda su identidat no ta konosí. Na e sitio outoridatnan a tèst shofùr di ámbos vehíkulo i a resultá ku nan a tèst positivo, esta ku nan tabata kore outo bou di influensia di alkohòl i konsekuentemente a detené nan i bai warda ku nan pa mas investigashon.

Aruba a registrá di e forma aki e di 7 morto den tráfiko awe mainta.

SHARE

LEAVE A REPLY